بقلم جان سعد
ولا عمرى حنساكى بقلبى وياكى يا فخر كل زمان
عايش رافع راسى بنصرى وتراثى فى الحاضر واللى كان
حاسس بأحزانك وبصلى عشانك ترسى لبر أمان
بصرخ فوق اسمعنى ببكى وايه يعنى ما أنا كمان إنسان
خايف على بلادى بهتف وبنادى عايزين نعيش فى أمان
متخربوش فيها . فيها اللى يكفيها . كفيانا بقى أحزان
ياللى زمان كنتى وفضلتى وهاتبقى منارة للأجيال
مهما حصل فيك وشفتى وأسيتى شعبك فى قلبه آمال
ولا عمرنا ادينا وطنا بادينا لأى كائن كان
وفى عز شدتنا لا غريب دخل بينا ولا له فى بيتنا مكان
والأزمة حتعدى والموج ده حيهدى وايمانا له سلطان
عالظلم وشروره واللى ماليه غروره وكل شئ بأوان
0 التعليقات:
إرسال تعليق