| لينين الرملى يكتب : والله العظيم هضربك ( تظهر زوجة الأرجواز وهي تغني وترقص بشكل لا يليق، بينما بعض الناس وحتى الأغراب يتجمعون للفرجة والتصفيق لها، وبعد قليل ينقطونهابالجنيهات والدولارات وعملات أخرى ) ( يندهش حصاوي مما يحدث لكنه ينعس بين وقت وآخر لأنه لم ينم جيدا) | |
| ( يظهر الأراجوز و علي المسرح يقف مندهشا) | |
الأراجوز
|
إنتي فين يا ولية عمال أدور عليكي ؟
|
زوجته
|
زي ما أنت شايف.. بغني وأرقص.
|
الأراجوز
|
وإيه اللي جابك هنا؟ إحنا مش لينا بيت؟ تيجي هنا تعملي الفضايح دي في الشارع وتمدي إيدك اللي يسوي واللي ما يسواش ؟
|
زوجته
|
أنا مش في الشارع.. أنا واقفة قدام الخيمة بتاعتي.
|
الأراجوز
|
وجبتي الخمية دي منين؟
|
زوجته
|
وأنت مالك؟
|
الأراجوز
|
ملة علي جنابك. أنا جوزك.
|
زوجته
|
وإيه يعني؟ كنت جوز جزمة يا خي ؟
|
الأراجوز
|
طب قسما عظما لو ما جتيش معايا دلوقت لبيتنا لكون موريكي
|
زوجته
|
ما تقدرشي.
|
الأراجوز
|
بقول لك والله العظيم هضربك
|
زوجته
|
طب ما تضرب.مستني إيه؟
|
الأراجوز
|
(يتأبط عصا تحت إبطه) والله العظيم هضربك
|
زوجته
|
وأنا حايشاك؟ ما تضرب.. لو كنت راجل تضرب.
|
الأراجوز
|
يا وليه صدقيني لو ما سبتيش الميدان ورجعتي البيت معايا حالا هضربك
|
زوجته
|
خلاص عرفنا أنك هتضربني.. مستني إيه ؟ ما تضرب.. لو راجل تضرب قدام الخلق دول كلهم ..
|
الأراجوز
|
اللهم اخذيك يا شيطان.. لكن خلاص ما بدهاش هضربها عشان تتربي.
( وهو يلوح بالعصا) دا آخر إنذار، هتسمعي الكلام ولا أضربك؟.
|
زوجته
|
يا لهوتي ..يا خرابي الحقوني يا ناس عايز يضربني اكمني وليه وماليش حد
|
( يدخل علي المسرح رجل وجيه يرتدي قبعة )
| |
الرجل
|
استني مش كده يا أراجوز .بالراحة يا أخي دي وليه وغلبانه.
|
الأراجوز
|
غلبانه؟ دي طهقتني وطلعت روحي وحذرتها كام مرة ما فيش فايدة، وآخرتها عرفت إنها ماشية مع واحد جِعـِّـر من ورايا.. يرضيك كده؟
|
عتريس
|
معلش يا سيدي كلنا بنغلط.
|
الأراجوز
|
إلا كدا.دا شرفي. كرامتي ..حقي . سمعتي في الحتة.
|
الرجل
|
معلش خليك أنت الكبير.
|
الأراجوز
|
أنت هتنيمني بالكلام ؟ ما هو يا إما اضربها علقة دلوقت وتعتذر عن كل اللي بتعمله وتضايقني يا إما بلاش خالص
|
الرجل
|
انت اتجننت تطلقها؟ يعني إيه يا سي أراجوز .. هي فوضي؟
|
الأراجوز
|
دا حقي.. وأنا حر وأنت مالك أهلك؟
|
الرجل
|
حر دا إيه؟ دا إحنا جيرانك ونمنعنك تعمل حاجة زى كده.. ( ويلتفت للواقفين)
ولا إيه يا رجالة؟
|
الأراجوز
|
بس دا حقي إني أأدبها.
|
الرجل
|
وهي لها حق كزوجة وإنسانه.. إنت ما سمعتش عن حقوق الإنسان؟ أنت عايز العالم ياكلوا وشك؟
|
الأراجوز
|
بصوا أهي قدامكم أهي بتعاكس الواد غزاوي وبتلعب له حواجبها.
|
عتريس
|
وفيها إيه ما انتوا كلكوا متربيين سوا وانتوا صغار.
|
الأراجوز
|
يعني إيه تبقي مراتي وتدور تعمل اللي هي عايزاه.
|
عتريس
|
إدوا نفسكم فرصه تفهموا بعض. دا انتوا ما كملتوش سنة مع بعض.
|
الأراجوز
|
كانت سنة سوده.
|
عتريس
|
اصبر عليها كمان سنتين تلاته.
|
الأراجوز
|
ما فيش فايدة. أنا مش هضربها لكن هطلقها ..روحي وانتي
|
الرجل
|
( وهو يسد فمه ليخرسه) لا مش كده خليك راجل متحضر..لو طلقتها كلنا
هنقاطعك.
|
الأراجوز
|
غريبة، انتوا من بقية أهلها عشان تدخلوا في شئوني أنا وهي؟ أقطع دراعي إن ما كنتش الست دي بتخوني.
|
الرجل
|
لا بلاش تظلمها. .وافرض غلطت مرة ولا اتننين دا سبب عشان تطلقها
|
الزوجة
|
لو راجل تطلق. ح أحرق لك البيت باللي فيه علي دماغك. وأهو( وتبدأ تلقي
بمشاعل لتحرق المكان وتنتشر النار في المكان بسرعة).
|
(حصاوى الذي أسند رأسه وذراعيه علي طاولة المقهى يصحو مفزوعا )
| |
حصاوي
|
الحقوا النار هتحرقنا كلنا.
|
عتريس
|
ما تتخضش دا التليفزيون بيعرض حريق رابعة العدوية.
|
( حصاوى يغشي عليه )
|
0 التعليقات:
إرسال تعليق