.......وللمشاعر كلمات
إتولد للكون مخلِّص
ميشيل رزق الله
تسبحه من صوت سماوى
صاحبت النجم الجميل
إحتفال زان الأعالى
نحتفل به كل جيل
بشرى كانت للرعاه
بشرى بتعزّى الحياه
إتولد للكون مخلِّص
يفتدى كل الخطاه
السلام ع الأرض هوَّ
والقلوب فيها المسرَّه
ملِّكوه القلب جوَّه
هوَّ دا الرب الإله
*******
مريم الطاهره العفيفه
ولدت الرب القدير
ولدته ف مزود صغيَّر
للبقر فى مكان حقير
والرعاه شافوا الملايكه
بالنغم بيسبحوه
هللوا وجريوا لمكانه
فرحوا لمَّا جم شافوه
السلام ع الأرض هوَّ
والقلوب فيها المسرَّه
ملِّكوه القلب جوَّه
هوَّ دا الرب الإله
*******
والمجوس جُم من بعيد
جُم ورا الملك المجيد
أصل نِجمُه دلُّهم
خلاَّ كل الكون فى عيد
بالهدايا وصلوا عنده
شافوا طفل جميل وأم
إنحنوا له بكل رهبه
والفرح ملا قلبهم
السلام ع الأرض هوَّ
والقلوب فيها المسرَّه
ملِّكوه القلب جوَّه
هوَّ دا الرب الإله
*******
واحنا فى فرحة ميلاده
نهدى رب المجد أيه ؟
نهدى لِيِه القلب طاهر
واهتمامنا كلُّه لِيِه
نِدِّى حب يكون مالينا
نور مسيحنا يفيض علينا
واحتفالنا بيوم ميلاده
يبقى فرحه دايمه لينا
السلام ع الأرض هوَّ
والقلوب فيها المسرَّه
ملِّكوه القلب جوَّه
هوَّ دا الرب الإله
*******
0 التعليقات:
إرسال تعليق