وللمشاعر كلمات .......
بِسم الله مُنتصرين
ميشيل رزق الله
إجمع .. إجمع إنت وهوَّه
حق الشعب خُدوه بالقوَّه
قلب المصرى شُجاع من جوَّه
إجمع قبل ما تبقى ف هِوَّه
*******
إجمع .. نظَّم تانى صفوفك
عُمر الأرض ما عِرفت خُوفك
كان العالم لمَّا يشوفك
يرهب لمَّا تسمَّعه صوتك
*******
إرفع صوتك واصرخ : لأ
لأ للظلم ولأ ولأ
خُد بدراعك كل الحق
واغضب وانسف زمن الرِّق
*******
وحِّد صفَّك للحرِّيه
حرر نفسك م العبوديه
يدِّ ف يدِّ وقول : مَدنيَّه
قول : عايزينها ديمقراطيه
*******
إجمع واخرج بالملايين
وان كانوا الحكَّام ظالمين
مين يقدر على غضبك .. مين .. ؟
بسم الله منتصرين
0 التعليقات:
إرسال تعليق