الموقع هدفه الارتقاء بالفكر الرافى الحر والتواصل مع الانسان المصرى فى كل مكان ، ومع ذلك فالموقع غير مسئول تماماً من الناحية الأدبية والقانونية عما يُكتب فيه سواء من المحررين أو من أى مصادر أخرى
فوزي نجيب يكتب دنيا ودين
هذه فكرة خيالية تخيلها احد الكتاب لينقل وجهة نظره في موضوع معين
وقد اعجبتني الفكره في حد ذاتها
ولياذن لي كاتب الفكره في طرح مايدور
في ذهني . ومن نعمة الله علي الانسان ان وهبه الخيال والحس والتأمل.
وهي الميزه الوحيده التي ميز الله بها الانسان عن الكائينات الاخري .
(1)
,,,, إمراة
حامل في شهرها التاسع .وجاء موعد ولادتها .واستخدمت معها كل المحاولات .ولكن ولادتها تعذرت وتعثرت. وبكت بكاءً شديدً .فسمعت صوتا من داخلها-
لماذا تبكين ياأمي . ؟
أجابت الآم:لآنك لاتريد ان تخرج
قال الطفل:انا مستعد ان اخرج ولكن بشروط
الآم:ماهي الشروط يابني. وانا انفذها لك علي عيني
الطفل: فقط اريد ان اعرف وضعي بعد ان اخرج.
اولا ماهو وضعكم المالي ومامركزكم في المجتمع
الآم: وضعنا المالي لابأس به أبوك موظف في الحكومه .
ونحن نسكن في حي متوسط
الطفل : وهل عندكم عقارات واراضي ومدخرات في البنوك ومانوع السياره التي تستعملونها؟
الآم: يابني احنا عندنا الستر وعندنا كفاية اليوم
الطفل: هل عندكم اطفال غيري؟
الآم: عندنا اربعة بنات ياحبيبي وانت الخامس
الطفل: وياتري عندكم كام حجره ؟
الآم: يابني انت تعبتني ليه كل الآسئله دي
الطفل: خلاص انا عارف كل حاجه .سؤال واحد اخير . ماديانتكم؟
الآم: الحمد لله احنا ارثوذكس.
الطفل: هل هذا دين جديد؟
ألآم: يابني دي طائفه مسيحيه من ضمن الطوائف المسيحيه.
الطفل:
وليه المسيحيه طوائف ومين الي قسم المسيحيه
:
وليه انتم اخترتم الطائفه دي ؟
الآم :يابني احنا اب عن جد ودي الطائفه المستقيمة
ودي حاجات اكبر من مخك دلوقتي
الطفل:وهي الطوائف الباقيه مش مستقيمه
الآم :يابني احنا مالناش دخل في ده والكل بيعبد ربنا بطريقته وربنا عارف القلوب واللي حيضحك هنا في الدنيا مش هايعرف يضحك في الآخره.
الطفل: وازاي حاجي في عالم قسموا كل حاجه فيه.
المجتمع والدين والآنسان
وازاي حتربوا اولادكم .موظف علي قده .في حي " في بيت ماعرفش كام حجره .وقلتي لاسياره ولا مدخرات وعايزاني اخرج وانا وحظي.
وتفرحوا لما تجيبوا طفل وهو يقاسي طول العمر.
ألآم: يابني دي حال الدنيا.
الطفل: هي دي حال الدنيا: طفل يتربي في نعيم وطفل يتربي في جحيم وهي مسألة .قدر ولا حظ.
كان نفسي اكون ابن وزير ولا ابن رجل اعمال ولا حتي رجل دين اعيش في قصر واتعلم في مدرسه وجامعه خاصه.
ويكون لي سياره خاصه وفلوس تتكتب بأسمي في البنوك . والف العالم والناس تحترمني وتكرمني .
انا مش خارج ولاطالع يامي.
الآم : انت تعبتني وانا غلطانه الي سمعت لسفصئتك وتخرج غصب عنك ولو بشق البطن"
0 التعليقات:
إرسال تعليق