وللمشاعر كلمات.................
الحب الحياه
كلمات : ميشيل رزق الله
إفتكرت ان ف عواطفك شئ جديد شئ يخلّى الدنيا تبقى بمعنى تانى
شئ يحسّس قلبى إنه بيك سعيد يدّى معنى أحلى من كل المعانى
كان فى نفسى ان انت تبقى حاجه تانيه حب أحلى م اللى عدّى كتير علىّ
بس حبّك رغم ما قولته وعملته لسّه مش قادر يحرّك حاجه فىّ
القرار
نفسى احس انّك بتدّينى الحياه نفسى اشوفك ألقى عقلى منّى تاه
والقى حبّك وابقى أقرب من سماه هوّ دا الحب الحقيقى .. هوّ دا الحب الحياه
شوف أهاتى وشوف عيونى شوف هوايا ازاى عملته من جنونى
حتّى وانت بعيد علىّ بابقى خايف من دموعى ومن ظنونى
شوف وساعة ما ابقى جانبك بابقى ايه بابقى مش دريان بروحى عامله ايه
والا ليه الشوق قاتلنى واقعد اسأل نفسى ليه
شوف حنينى .. شوف أنينى شوف يا روحى ازاى باكون
نفسى احس انك معايا وان قلبك يوم حنون
قد ايه الحب أجمل لمّا يبقى فيه حنين نسمع الضحكه نقابلها بكل شوق
لمّا يدّى دقّه حلوه تبقى عايشه للسنين نلمح النجمه نمدّ ايدينا فوق
نخطف الحلم اللى ييجى نجرى بيه ونحققه
واللى ما عرفش المحبّه ييجى واحنا نشوّقه
هوّ أيه الحب يعنى غير كده
همسه حلوه .. ضحكه حلوه مش كده
ياحبيبى وافتكرت انّك حبيبى قلت يمكن ييجى يوم الحب يكبر
وافتكرت انك فاهمنى أو دارى بى إلتقيت ان ف طريقنا جرح أكبر
أو بيتهيّألى إنه وهم جانى وانتظارى ليك وحيرتى من عنادك
وان قلبك لسّه فيه حاجه لزمانى بس أحزانى خدتنى من بعادك
نفسى بعدك يبقى وهم
نفسى تيجى ويّا حلم
0 التعليقات:
إرسال تعليق