فينك يا مصر. فينك يا مصر. عمّال ادور عليكى
انتى رحتى فين . تعبت . ومش قادر الاقيكى
اوعى تكونى تهتى ولا العنوان ضاع . ربنا يهديكى
خايف عليكى وبانده ياخلق هوه شوفوها راحت فين
مش لاقى حد معايا يكون مليان بشوق وحنين
لكن لقيت قلوب بتبكى معايا على االلى ضاع بنواح وانين
قلت ياخسارة عالايام اللى كنت فيها طفل صغير
ماكانش فيها يوم من الاحزان ولاغنى وفقير
كنت امشى فيها وانا مطمن من بيتنا للتحرير
لكن النهارده خايف اروح لاى مكان ولاحتى انا هارجع
عشان امانى ضاع من مكانى حتى الكلام بقى يوجع
غيران عليكى . ايه اللى فيكى.جوه فى حشايا النار بتتولع
اوعى يامصر. تكونى رحتى. ولا انتى مخطوفه.
قوليلى فين انتى: عينى عليكى. طالبين فديتك. مانتى اللى رحتى
رحتى برجليكى .مانتى امّنتى وليهم انتى سلمتى
فداكى عمرى. فداكى روحى . فداكى كل ما فى الايد
مهما الزمان طال وانتظرت رح اشوف حبيبتى اكيد
رافعة الرايات. تاركة الاهات. وحبها للجميع بيزيد
1 التعليقات:
جميله القصيده دى واجمل ما فيها انها تعبر عن ما بداخلنا لكن بداخلنا امل نراها تاركه الاهات رافعه الرايات
مدحت بشاى
إرسال تعليق