ماتزعليش حقك دافى رقبتى وهاجيبه طول ماانا فى ارضك باعيش ,
[ياما قلت لك ياامى خللى بالك واصحى واعرفى
[ ياما كان صوتى عالى وانا بانده عليكى والقاكى تختفى
[ ضحكوا فى وشك بابتسامةغدر وياريتك كنتى فاهماهم
[صدّقتى ضحكهم ليكى وخال عليكى الدور وغمضتى وانتى مش شايفاهم
[: دم الولد صحّى البلد بيقول كفاية اصحى يابلد
[ياللا نرجع م البداية ونقوم ونبنى وكفاية هدد
[ خلاص ياامى مش هاصدق كلام معسول ولا مزوق
[بقينا خلاص صاحيين على طول وللحرية انا متشوق
[ حطوا الانوف بين الكفوف من غير ما يشموا ريحتهم
[والريحة فاحت والضلمة راحت والنور بيكشف فضايحهم
[انا باعتذر لك وجاى باقولك حقك علىّ
[ انا مش هاكون تانى مجنون واصدق وعودهم وكلامهم لىّ
[م]: المرة دى قمنا بجد والقومة قايمة ومش نايمة
[ بتقول لنا ياللا تعالوا واكتبوا وسجلو فى القايمة
[ نفتح سجلات اللى كان واللى انفضح ما تياللا نتحاسب
[ من غير تراخى ولا كسل هنغير التاريخ وننفض العناكب
[ وكل من عشعشت فى دماغه افكاره انه اصبح شىء
[: ويفوق لنفسه ويعتذر ويقدم الحق ويطلق المسجون وهو برىء
[ قارون رفع صوته وقال فى مرة اناربكم ياللا اعبدونى
[2 وكان ناسى لن القوى القادر يهده
[ وان كنت ناسى فكّروتى
[م] اتخسفت الارض بيه وبلعته هو ما بقاش ليه اثر ابدا وماقدرش حد ينقذه هو واللى معاه
[ نفسى اقولك وافكرك .فرعون جديد جه وافترى ياعينى ياولداه
[ قام ربنا دحــــــره وهد حيله وانخسف والسجن كان مأ واه
[ ودا مصير كل مفترى عالنعمة والكذب مالى حياته
: هيشوف بعينه ايام سوده ملعونه حتى بعد مماته
[ انا ياامى جايلك عالميدان باقدم روحى على كفى:: وانا باعتذر واقولك حقك علىّ ياامى ودمى مش هايكفى
0 التعليقات:
إرسال تعليق