وللمشاعر كلمات .......

الرّاعى الصّالح

ميشيل رزق الله


الرّاعى اللى يراعى كنيسته ويراعى شعبه بإنصاف
علشان يبقى الرّاعى الصالح يبذل نفسه عن الخراف

كنيستنا  الأزثوذكسيه  كنيسة  حب  رعاه  ورعيّه
دايماً محميه .. أسوارها قويّه وبأنوارها ماليه الدنيا

الشعب الفرحان براعيه إللى يثبّت فيه إيمانه
لطريق الملكوت يهديه ويخلّيه عمره ما يخاف
الرّاعى دايماّ تلاقيه يدّى أبوّته ويّا حنانه
أصل الرّاعى الصالح دايماّ يبذل نفسه عن الخراف

الرّاعى المُرشد لحياتنا يزرع فينا خوف الله
يلمس مشاعرنا وجراحاتنا ببصيرة قلبه الشفّاف
والرّب يبارك خطاويه يتبع كل الشعب خُطاه
أصل الرّاعى الصالح دايماً يبذل نفسه عن الخراف



الرّاعى هوّ القبطان فى كنيسته يقودها فى أمان
فى الأفراح أو فى الأحزان دايماّ فى إيديه المقداف
الرّب اختاره علشان خدمته بتخلّص إنسان
أصل الرّاعى الصالح دايماّ يبذل نفسه عن الخرافا