سمعت تصريحات السيد / رئيس وزراء مصر الأخيرة وهو يتحدث عن أزمة الكهرباء والحل العبقرى والمتلخص فى أن يلبس الشعب المصرى القطن لأنة يمتص العرق ويخفف من حرارة الجو, والتجمع بغرفة واحدة لترشيد استهلاك الكهرباء, وغلق بعض المكيفات وهذة ليست مزحة بل ما ورد فى تصريحات رئيس الوزراء نقلا عن جريدة الوطن الغراء فتزكرت رائعة أحمد فؤاد نجم والشيخ امام عن موضوع الفول واللحمة والتى يقول فيها:
عن موضوع الفول واللحمة صرح مصدر قال مسؤل
انو الطب أتقدم جدا والدكتور محسن بيقول أن الشعب المصرى خصوصا من مصلحتة يقرقش فول حيث الفول المصرى عموما يجعل من بنى أدم غول
تأكل فخدة فى ربع زكيبة والدكتور محسن مسئول يديك طاقة وقوة عجيبة
تسمن جدا تبقى مهول ثم اضاف الدكتور محسن أن اللحمة دى سم أكيد
بتزود أوجاع المعدة وتعود على طولة الايد وتنيم بنى ادم وتفرقع منة المواعيد
واللى بياكلوا اللحمة عموما ها يخشوا جهنم تأبيد
يا دكتور محسن يا مزقلط يا مصدر يا غير مسئول
حيث أن أنتوا عقول العالم والعالم محتاج لعقول
ما رأى جنابك وجنابهم فية واحد مجنون بيقول
أحنا سيبونا نموت باللحمة وأنتوا تعيشوا وتاكلوا الفول
ما رايك يا كابتن محسن مش بالذمة كلام معقول
وأنا أضيف فوق كلمات الأستاذ نجم وأقول يا دكتور قنديل يا لي دماغك تعب من أكل الفول قطن أية يا سيدي الناس عريانة وبتدارا ورا السور
يا خوفى بكرة على أيديكم الناس حت ما تلاقى الفول.
0 التعليقات:
إرسال تعليق