إيه بس ذنبه ؟!
بقلم جاد غازر
سألت نفسى ايه بس
ذنبه
ودم سايل بيبعت رسايل واحنا بايدينا ودنا سدينا
صام وصلى وقال يا ربى
الرب قالوا مكتوب يا ابنى
سألت نفسى ايه بس ذنبه
وواحد يخونه عشان دراهم نسيوا فى لحظه أنه فداهم شال صليبه وفى طريقه ناس قلوبها شايفه نوره ناس دموعها سابقه دموعه حابس انين بين ضلوعه مش بس صلبه فيه مآسى جلاد بيضرب بقلب قاسى مصلوب يا رب فوق صليبك ولص خايب عمال يغيظك سألت نفسى فين طريقى سيف وحربه ماسك فى ايدى معظم جروحه من نصيبى سألت نفسى ايه بس ذنبه سمعت صوته من جو قلبه |
مسمار فى ايده وحربه فى جنبه
بيقول علشانكم صليب شايل نسمع وننسى ولا حد سائل الكاس ثقيله شيلها عنى بالدم وحده يحيى شعبى مسمار فى ايده وحربه فى جنبه والتانى انكر انه معاهم وأن موته عشان فداهم ناس بتبكى ناس بتسخر وناس ايديها بتضرب اكتر وناس اساها بيزيد ويكبر ولسانه يشكر وقلبه يغفر دا من ميلاده عمال يآسى وهو صابر عشان خلاصى والدنيا ضلمة إلا نورك ولص آمن وخد طريقك تايه بعيد عن حبيبى وهو ايده تمسح جبينى وهو قلبه بينادينى مسمار فى ايده وحربه فى جنبه بيقولى أب بيحب ابنه |
0 التعليقات:
إرسال تعليق