"خايف عليكى من اللى راح " بقلم شوقى الغلبان 

خايف عليكى من اللى راح

خايف عليكى من اللى جاى

خايف عليكى من اللى جرى

خايف عليكى من ايه ياترى

خايف اكون انى تعبتك ولاازيتك

خايف عليكى من حياة المرمرة

 قومى ياللا وانسى كل اللى راح

 قومى ياللا واستعدى للى جاى وبلاش نواح

قومى ياللا واصحى وافضحى واحكى عن كل اللى جرى

قومى ياللا قولى فيكى ايه انا مش عارف لك ياترى

 انامش لاقيكى وتعبت فيكى

 انا فين رايتك انا شفت فيكى كل الوشوش متكدره

 قومى ياللا واكشفى المستور ولعريسك اتعطرى

بس اعرف هو مين دانتى هى انتى ومش هتتغيرى

انتى مصر. مهما قالوا واللا مالوا عليكى مانتى زى مانتى

هما بس عليكى ويا بعض الكل عليكى اتكاتروا

نسيوا انك انت ام ةالكل دول همّ بس اتغيروا

نسيوا ان انتى فيكى نسيج شديد لايمكن يفترق

نسيوا ان ولادك همّا همّا دول جدار ولايمكن يُخترق

ولاّ يوم الحرب قامت قدّمواالغالى عشانك يتحرق

قومى ياللا وانهضى وارفضى داحقك عالهوان مابترتضى

يذكر التاريخ يانك كنتى واحد مهما للخطر تتعرضى

كنتى رافعة الراية . راية العدل والتساوى بين ولادك

كنتى قادرة ترفضى العيشة مُهانة وتقبلى الموت يوم ميلادك

كنتى مبدا. كنتى صورة ومثال.كنتى قدوة بين جيرانك

ايه جرى دلوقتى لمابقيتى تقبلى تتوسلى وانتى صاحبة المكان

ايه حصل واتغير المبدا واللا مابقتيش تقدرى زى زمان

حطيتى فيهم كل املك

كنتى فاكرة انهم هيفرّحوكى

بس لما اتملكوا قوام بسرعة فاكرين نفوسهم وانتى اللى نسيوكى

عرفوا يقولوا ليكى لأ. بس انتى كلامك هو حق

قوم ياعم واحكم الامور زى وعدك  واوعى يكون قلبك رق

 قوم ياعم وشوف امور  الزحمة دانت قلبك طول عمره مليان بالرحمة

علشان انا باعرف عنك انك ابنها وبتتحرق وبتبقى فحمة

علشان تعيش امك ورافعة راسها  بين اخواتها وجيرانها

انت تحمى كل سور مع كل مدخل. مش كله يدخل يقتحمها

انت عارف كل شىء فيها بيحصل او بيخرج من مخارجها

 الله معاك يابن مصر الحرة دايما. قوم قوام واحمى الحق

علشان تعيش مصر. مصرنا الحرة الابية. ومصر تكون ملجا لكل الخلق