.......وللمشاعر كلمات
لا تِخسَرُونا
ميشيل رزق الله
إشركونا ف المواجع
بس إوعوا تحزِّنونا
يمكن السيل اللى راجع
يطوى ضِلّى وتخسرونا
مش هتلقوا م اللى ضايع
غير سرابه صدَّقونا
يومها تفتكروا المدامع
لما بكره تعدمونا
وتخسرونا
ليه نزيد الحسره ع اللى
راح أوانه من زمان
ليه نعيش الدنيا بللى
كنا فاكرينه حنان
ليه بنبنى .. ليه نِعَلّى
فوق رمال كدب وهوان
الزمن مش راح يخلّى
إلا سيرة جرح كان
وتخسرونا
0 التعليقات:
إرسال تعليق