وللمشاعر كلمات
وانت جانبى
ميشيل رزق الله
وانت جانبى .. الشمس جايه تقول سعيده
وانت جانبى .. قرَّبت لى أمال بعيده
وانت جانبى .. فرحه عايشه جوَّه قلبى
دنيا تانيه عشت فيها كل حبِّى
دا الحياه من غير حبايب مش حياه
واللى ما بتهواش عيونه يبقى تاه
واللى تلقى الدَّمعه عنده ف ليل شقاه
واللى بين تنهيد .. وحيره .. وشوق ..واّه
يبقى مش لاقى حبيبه
يبقى ضاع منُّه نصيبه
والأمان ينساه
بس انا لىَّ المنى وانت جانبى
والهنا دايماً هِنا مالى قلبى
دى الزهور أجمل م فيها ان انت جانبى
والنجوم بتضوِّى ضيَّك وانت جانبى
إنشالله دايماً أبقى جانبك وانت جانبى
1 التعليقات:
أنا وانت ولا حد شايفنا .... أنا وانت وبس يا حلاوتنا
*********
أنا وانت وبس الهوى خدنا .... ومشينا مشينا وبعدنا
نسبق ليالينا بخطوينا .... ونقرب أجمل مواعيدنا
ونعيش م الجمعة سبع تيام .... زادنا وزوادنا غرام في غرام
والحب غطانا وفرشتنا .... وخدود الورد مخدتنا
أنا وانت وبس لوحدينا .... طول ماحنا بعيد عن بعضينا
لقمة صغيورة تشبعنا .... عش العصفورة يقضينا
ونعيش م الجمعة سبع تيام .... زادنا وزوادنا غرام في غرام
مرجحنا يا شوق قوي مرجحنا .... مرجحنا يا شوق
على قد ما تقدر طوّحنا .... طوحنا يا شوق
عند القمرة وابني لنا هناك .... أوضة .. شباك
عند القمرة وف عزّ النوم .... افرح .. يا سرور
عند القمرة لا نعاس ولا نوم .... ولا ناس .. ولا لوم
وحلوِّ يا ليل احلوّ .... ويا فرحي .. وصال للجوّ
والحب غطانا وفرشتنا ... وخدود الورد مخدتنا
إرسال تعليق