طلبى الوحيد
ميشيل رزق الله
لو بس تقدر بحب أكبر .. تقدر تعود .. عود
أسئلتى لسه مسهّرانى من غير ردود .. عود
سلّم وسالم .. دا البعد ظالم
ياريت سلامك ويّاك يجينى تانى يسود
حيره ف حياتى وانت حياتى
طلبى الوحيد وانت بعيد إنّك تعود .. عود
ايه فايده وحدك .. فى الغربه وحدك
وقلبى وحده مع الآفكار
ايه بس شاغلك .. فايت حبايبك
لعبه فى إيد الهوى والنار
بيننا حواجز .. وقلبى عاجز
يفتح لضحكه .. يسمح بفرحه .. يهدى ورود
حيره ف حياتى وانت حياتى
طلبى الوحيد وانت بعيد إنّك تعود .. عود
رد الأمانى .. وتعالى تانى .. بر لزمانى
ده انت الوجود
بكلمه حلوه .. ونسمه حلوه .. وبسمه حلوه
لازم تعود
إرجع بشمسك .. سمّعنى همسك
ولا يبقى بيننا .. دمعه تقابلنا .. ولا حدود
حيره ف حياتى وانت حياتى
طلبى الوحيد وانت بعيد إنّك تعود .. عود
إحساسى إنّك عايز تجينى .. تدّينى قلبك زى ما كان
إحساسى إنّك جايز يا عينى .. تقابلنى حتى ف أى مكان
إحساسى قال وقلبى مال
وبحبّك انت .. يا حبيبى إنت .. إمتى تجود
حيره ف حياتى وانت حياتى
طلبى الوحيد وانت بعيد إنّك تعود .. عود
1 التعليقات:
عود ..الفجر لسه بيبتسم بين دمعتين
عود..الفرح ممكن يتقسم على شفتين
عود..الوهم مات والذكريات قالتلى حبك بالوجود
ياريت تعود..ياريت تعود
احنا زمان كنا الزمان
كنا الهوى من غير هوان
كنا الامان من غير حدود
الوهم مات والذكريات قالتلى حبك بالوجود
ياريت تعود..ياريت تعود
عمرى اللى راح سماح سماح
ياحب اكبر من الجراح
رجع عبيرك للورود
الوهم مات والذكريات قالتلى حبك بالوجود
ياريت تعود..ياريت تعود
عود ..الفجر لسه بيبتسم بين دمعتين
عود..الفرح ممكن يتقسم على شفتين
عود..الوهم مات والذكريات قالتلى حبك بالوجود
ياريت تعود..ياريت تعود
إرسال تعليق