تعيش الحياة من جديد
بقلم سامى ظريف
***************
تشوفه تعيش الحياة من جديد..
يخدك مكان مش ممكن تشوفه إلا معاه..
عمق الحياه...
يرمى بتعبك ... ساعة ما يوعظ
كلمة نجاه...
ولحطة ما تبعد ... يروحلك أكيد
تشوفه تعيش الحياة من جديد.
حياته .. حكاية عمره الطويل ..
جاهد وقاوم ..
وإدى الرعية ... وصية ودليل ..
لا يمكن تميل ..
شمسه .. هتفضل بعد الرحيل
حكاية نعيدها .. ونقول المزيد
تشوفه تعيش الحياة من جديد.
تقرا مقاله .. ترمى وراك كل ثقافتك ..
صخرة قوية ..
تبنى عليها .. عمق مواهبك ..
يخدك ..
يملا قلبك ..
يغير عقلك ..
يربى فيك ... كأنه أهلك .
يضمك لحضنه .. كإبنه الوحيد
تشوفه تعيش الحياة من جديد.
بصدق يجاوب .. سؤال كل الناس ..
محاضرة ... لقاء ..
يا سلام ع الإحساس ..
دقة أجراس ..
ودفء تحسه ..
فى صوته .. فى صمته .. فى تنهيدته ..
فى صدى الأنفاس
وتأمل يخدك ... لبحوره بعيد
تشوفه تعيش الحياة من جديد.
فى عهده الكنايس ... ملت كل الكون ..
أمريكا .. أستراليا .. أوروبا ..
منين ميكون ..
شجرة أرثوذكسية بدفء الغصون ..
ولو فى العيون ..
لحظة ظنون ..
كله فى الآخر يهون
لما بيوعظ ... قداس ليلة العيد
تشوفه تعيش الحياة من جديد.
0 التعليقات:
إرسال تعليق