لماذا المتخلفون يريدون هدم صرح العملاق مجدي بعقوب
من فضلك اقرأ هذا المقال
لا .........لمجدي يعقوب .... نعم ...... للترامادول
ذهبت بروحى لأسوان فى رحلة لأري هذا البلد الساحر وعلى الشاطئ النيلىّ الجميل رأيت مجموعة من الرجال جالسين فى دائرة كبيرة .. فقصدتهم
سلامُو عليكوا يارجالة . جاء ردهم .. عليكمُ السلااااااااام ... فترة راحة ساكنة .... ورحمة اللاااااااااة .... اعقبتها فترة سكون ملحوظة أخري .... وبركاتة ... اِتفضل ..هكذا كان ردهم.
ذهبت اليهم ...كانوا جالسين فوقفوا احتراما للضيف الغريب القاهري الواضح من لكنتة ... بعد السلام الممزوج بالترحاب الدافئ الذى يمتاز به أهل الصعيد عامة ... أصروا على الشاي ان لم يكن العشاء
جلسنا على السجاد المصري المصنوع يدويا و المفروش على النجيلة الخضراء المنبسطة بالتوازي بشريط النيل الخالد ... اِضاءات منبعثة من لمبات خافتة على سور النيل مع الريح القادم من صفحة المياة و التى تتلامس بأبداننا فتشعرك وكأنك فى الفردوس المفقود
شاي ياأستاذنا هكذا قال أحدهم معطيا اِياي كوبا من الشاي الصعيدى المحترم ... تجاذبنا الحديث الودي وقلت لهم ان بلادكم جميلة يارجالة .... قالوا أهلا وسهلا يامرحباً ..... تطرق الحديث عن أسوان والنيل العظيم والسد العالى والخزان والأثار الفرعونية والسياحة ومصادر الرزق والبازارات والمراكب السياحية الخ الخ
وأضفت عندكم أيضا مركز من المراكز الحضارية المتقدمة ألا وهو مركز الدكتور مجدي يعقوب التخصصى لجراحات القلب .... واِذ فجأة وبلا مقدمات يصيح أحدهم بصوت عالى " يجطع المركز واللى فية واللى يجية" رددت متسائلاً لية يابا الحاج ؟أجابنى بعصبية ... دة ياسى الأفندى اِنت مش عارف اِنة وكر للنجاسة ؟؟
اِزاى يابا ؟ سألتة؟؟؟ اِية ياأستاذ واضح انك متعلم وافندى ملو هدومك .. عاوز تجولى انك مش عارف لامواخذة معنى كلمة نجاسة ؟؟ بالمناسبة وهو بيكلمنى كان بيشد النفس ويكركر بالجوزة " المحشية ب .. " يعنى بيكلمنى عن ان مستشفى يعقوب كلها نجاسة وهو بيحشش و النارجيلة " الجوزة" بتلف بالدور على كل واحد.
قلت لة يعنى اية يا عمنا ان المركز دة مكان نجاسة ؟ اوعى لا موأخذة ياحاج لا سمح اللة يكون الدكتور والبنات الاجنبيات بيستخدموا المكان فى لا موأخذة أشياء منافية للتقاليد والاداب ... ولا لا مو أخذة يعنى مع اِحترامى لمقامكم فاتحينة بيت دعارة ... ولا بيسهلوا الفسق والعياز باللة ... قاللولى بصوت واحد لا يافندينا ...
وضحكوا على جهلى ... ورد احدهم ... الموضوع غير كدة ... تصدق الجماعة دولم بيسخدموا الخنزير " لاموأخذة" فى علاج الولاد الغلابة ... وهو يعنى عشان هم غلابة يعالجوهم بالخنزير والعياذ باللة ... لا يافندم والف لا ... هو احنا مش رجالة ولا اية ... علىّ الطلاج بالتلاتة لما أشوف اى واحد منهم راح أورية مقامة ...
سألت والأم يعتصرنى مين قالكم الكلام دة؟
رد كبيرهم وهو يسحب نفس من الجوزة وينظر لى بلا تركيز ... أنا عارف ناس كبار أوى فى البلد من مسؤلين وأمن ومجلس الشعب الشيخ فرج اللة جريبى والحاج محمد ابو العلا حسين صاحبى والحاج عبد الرازق صديق الروح وطبعا انت عارف ان البهوات اعضاء المجلس سواء كانوا نور ولا حرية وعدالة عارفين كل حاجة وجاللولىِ اِن اِبن يعجوب ورجالتة بيعالجوا الاولاد الغلابة بالخنزير......أنا سمعت اِنهم عاملين زريبة للخنازير ورا المستشفى .. طبعا ويلد يعجوب مخابيها علشان احنا ما نشوفهاش.... ... اِرتشف أحدهم قليلا من الشاى ثم تناول قرصا او أكثر من جيب جلبابة وابتلعهم برشفة من الشاى وسألتة سلامتك ياخويا ... ألف سلامة .. انت صغير على الأدوية ... ألف سلامة ... رد ضاحكاً ... لا تشغل بالك يا استاذ ... عا وزلك قرص ولا اِتنين اِتفضل . ولا الشريط كلة مش خسارة فيك يافندى
.. سألتة .. ما هذا ؟ قال ترامادول .... لزوم الأعدة والمزاج . ويخلينا ننسى الغلب والايام . ويفتح الصدر ويروق المزاج وينعش الواحد وكانت قد وصلت الية الجوزة فأخذ يكركر طبعا بعد الترامادول.
وعدت بحديثى لكبير الجلسة .. وما العمل يابا ... قال على جثتى لازم يتسكِر " يُغلقْ ويتبرشم ويتشمع بالشمع الاحمر" مركز وِلد يعجوُب
رددت "مجدي يعقوب» جراح القلب المصري العالمي ملقب باسطورة الطب في العالم ضمن أكبر خمس شخصيات طبية اثرت في تاريخ الطب ..... تقفلوا المستشفى اللى بيساعد فيها المرضي الغلابة ومجانا؟ ........رد أحدهم ها نسكروة يعنى هانجفلوة.
قلت الدكتور مجدي واحد من أشهر ستة جراحين للقلب في العالم، عمل اكثر من 2500 عملية زرع قلب خلال ربع قرن وأكثر من 25000 عملية فتح قلب معظمها عيوب خلقية فى قلوب الاطفال وكانت عمليات شبة مستحيلة لولا مجدى يعقوب وهو من أشهر المصريين الذين يرفعون اسم مصر فى كل انحاء العالم عاليا .
هانسكروة رد احدهم ...قلت ... نال لقب بروفسور في جراحة القلب . و منحته ملكة بريطانيا لقب سير.... وانتخبه الشعب البريطاني لجائزة الشعب البريطاني لعام 2000 التي نظمتها هيئة الإذاعة البريطانية بي بي سي... سكر ياراجل اية زراعة الجلب ولا نجل الجلب ... المريض لو هايموت هايموت وسبحان اللة لو عاوزة ها يعيش هايعيش... يافندى باجولك بيشتغل فى الخنزير ... فاهم يعنى اية ؟ نجاسة ... نجاسة ...افهم بجى يابوي نجاسة ...
ورد واحد كبير فيهم وبعصبية قاللى اية يعنى بيعمل عمليات أنا أعرف الدكتور مدير الاميري طاهِر " عملية الختان " اولاد العيلة كلهم فى ساعة زمن وكانوا عشرة ولا خماستاشر عيل والويلد زي الفل ... اية يعنى ولد يعجوب العملية بتاخد معاة تلات او اربع ساعات او اكتر .
ياجماعة الموضوع غير كدة الراجل دة عالمى ... اسمة سير فى بريطانيا .. وبيلقبوة بملك القلوب واخذ لقب فارس من امريكا دى القاب مش سهلة . الدكتور مجدى بيدرب الدكاترة المصريين علشان يتعلموا مهارات جديدة فى زراعة القلب ..كل دة مش مهم عندكم ؟. زعق واحد وقالى كمان بتجولى زراعة الجلب ... على الطلاج بالتلاتة ولد يعجوب لو كان بيزرع برسيم كنت هاسيبة انما تجوللى يزرع جلب بلاش كفر باللة ...... وبعدها وبعصبية نادى بصوت عالى اِدينى جرص من اللى معاك ياويلد ولا اجولك اِدينى الشريط كلة... قلتلة... قرص ترامادول ؟ أجابنى نعم ما أنت عكرت دمى يافندينا ياشيخ انت ضيفنا وكفاية عليك كدة ... بلع نصف الشريط بسرعة البرق وقمت أنا اجري بخطوات أسرع من البرق مبتعداً عنهم قبل ان أصبح فى ذمة التاريخ وقلت فى نفسى ..
ماذا نتوقع من شعب انتخب نوابة بالزيت والسكر والترامادول ...ولذلك لابد ان يكون لسان حالة
" لا لمجدى يعقوب ...... نعم للترامادول ........" أليس كذلك ؟
سمير المطيعى
0 التعليقات:
إرسال تعليق