ثق إن فيه إله
ثق إن فيه إله .. وحى فى الحياه
وفى إيديه النجاه .. ولازم تلتقاه
ياخايف م العواصف .. وتايه فى الرياح
الرب رحيم وناصف .. وشافى للجراح
بس انت فين إيمانك .. بإن يسوع حياتك
وفين صرخة رجاءك .. وفين قوّة صلاتك
إنهض م الرقاد .. ما تخافشى م العباد
دا الرب لينا زاد .. ويحقق المراد
ما تخافشى من رئيس .. من حاقد أو رخيص
ولا من حيل إبليس .. ألله عليك حريص
بتخشى بكره ليه ..؟ العالم بين ايديه
وإللى نخاف عليه .. الرب بيراعيه
ما تخافش يا انسان .. من أى شرٍ كان
ما تخافش من أحزان .. خاف بس م الديّان
وانت يا شبيه لتوما .. فى قلبه وف كلامه
إتعلّم من يوحنّا .. إيمانه وعيش سلامه
ثق إن الله قدير .. وإنه لك نصير
شايل لك كل خير .. وبأحوالك بصير
ارمى الهموم وعيش .. إبدأ ما تنتهيش
الدنيا ما تساويش .. وغير يسوع مافيش
إنده له بالإيمان .. تلقاه مالى المكان
يدّيك أحلى أمان .. ويضمّك با لحنان
ويقول لك يا اشتياقى .. أنا راحة المتعبين
وتحس با لسلام .. وتحيا با لوئا م
عشان الرب قام .. وخلّصك تما م
0 التعليقات:
إرسال تعليق