طول ما الميدان موجود انا موجود
بقلم . شوقى الغلبان
طول ما الميدان موجود انا موجود
حى وبانطق وصوتى يسمعه كل الوجود
اصرخ واطالب بحقى وحق ابنى لكن بحدود
حد الادب اللى انا اتعلمته من اصل الجدود
اوعى تفكر فى انك تستفزنى مرة
وتقولها تانى انى انفلت وخرجت من جرة
لا داالنيران محشورة جوايا على اللى حصل
بس الميعاد لسة ماكانش قادر يتوصل
لكن النهارده انا جاى وباهتف وصوتى منى متصل
اوعى تفكر مرة تانية انا واللا اخويا هاننفصل
خلليك سادد ودانك واكتب اللى نفسك فيه
دستور قانون قرار اواى حاجة بره الميدان هارميه
لازم يكون يرعى الامانة ويوافق كل من يلاقيه
وان كان دا كله مش عاجبنى ومش ملائم هاقدر اغير فيه
لكن باقوللك خلليك امين وانهى الحكاية
علشان هتفضل تتحكى لكل جيل من البداية للنهاية
وتاريخى يكتب ويوصف ثورة شباب بالحب امّنها
خليك حريص على كل شاب حبها وبالدم دونها
مش ممكن انسى ولا انت تنسى دم الشهيد
اللى دفع وكمان رفع صوته فى اعلى مكان
انا ولا انت لو نسينا وراحت الذكرى فى النسيان
يفضل شهيد الحب يصرخ ويذّكر الانسان
هارجع واعاود صرختى ويا صرخته فى الميدان
1 التعليقات:
انا اجد ما كتب فى هذه القصيده هوا ما يحدث الان فى مصر والميدان رغم ان ما كتب كان قبل كثير من احداث الميدان
إرسال تعليق